擁有一半西班牙血統的MonsterBeez成員Annie G.，昨日相約中荷混血兒張致恒（Steven）到球場一較高下，守慣龍門的Steven奮力阻擋伊人射球，Annie G.亦出盡法寶搶波，鬥得難分難解！
兩人在球場上分不出勝負，索性出口術狂踩敵隊，Steven更喪咒西班牙的龍門卡斯拿斯領紅牌被逐出場：「佢哋個龍門真係好犀利，乜都擋到，換咗出嚟隊波即刻差好遠！」Annie G.亦牙擦地說：「荷蘭開心埋今日，比賽完之後就冇o架啦！我會永遠支持西班牙吖！」其後，他倆分別以西班牙和荷蘭話為球隊打氣，Steven更跟荷蘭隊說了句「我愛你」：「咁多年都係二奶命，今次真係踢得好出色，希望最後可以勝出！」