電影《潛行凶間》前日於倫敦舉行首映禮，里奧仔、瑪莉安歌迪雅、Ellen Page、米高堅、施利安梅菲、約瑟哥頓利維及渡邊謙等演員，與導演基斯杜化洛倫齊齊出席。於戲院外等候里奧仔一整天的數百名女Fans，甫見偶像現身即陷入瘋狂狀態，尖叫聲震天，看來他的人氣絲毫未減！

Ellen Page（左）自爆是里奧仔的地下粉絲，曾收藏多張對方的相片。(美聯社圖片)

Peaches Geldof與渡邊謙伉儷亦有現身首映。(Getty Images圖片)

里奧仔大玩親民，走向圍欄與女Fans合照與簽名，看到Fans高舉《鐵達尼號》對白的標語「我永遠唔會離棄你，里奧勒度」時更十分歡喜。不少女Fans喜極而泣，更有人激動過度而暈倒地上。為免女Fans興奮虛脫，工作人員不時向她們派水。

盼演更多角色證實力

里奧仔接受訪問時表示，對Fans的熱烈歡迎感高興，但由偶像派轉型為實力派的他自言還未達到夢想：「我仲要做好多嘢去證明自己，仲有好多角色想去演。當你係個年輕人，睇過好多前輩嘅出色演出，你會想學習佢哋，盡量接近佢哋嘅境界。所以我希望可以一直演戲，滿足自己。」Ellen則自爆少女時是里奧仔Fans：「我曾經喺櫃桶放佢嘅照片，但唔好話佢聽！」另外，名媛Peaches Geldof、女歌手Pixie Lott、導演佳烈治與烈尼史葛等亦有捧場。