炎炎夏日，o靚模除了穿比堅尼消暑兼騷身材外，「施樂兵」其中三位成員「百果園咪神」陳靜（DaDa）、「翻版大S」李莉琳（Liz）及蔡瑩瑩（Ivy）齊齊整棉花冰降溫。她們甫見到五顏六色的巨型生果味冰柱即雀躍地捧起解暑，而「榴槤狂熱者」DaDa及Liz更想自製榴槤棉花冰：「呢種味嘅棉花冰超軟滑，好似將啖啖榴槤放入口咁，勁正！」
惟Ivy見到榴槤冰柱即火速彈開，DaDa與Liz為了遷就好姊妹，惟為改為自製下火西瓜冰。
期間三女反轉廚房，當刨冰機刨出少量冰塊後，即急不及待偷食，極速「清碟」！幾經忍口下，西瓜棉花冰山才大功告成，她們隨即狂加煉奶及黑珍珠等配料，導致「雪崩」，嚇得她們尖叫！創意十足的她們，為傑作取名「施樂冰」：「個棉花冰唔同嘅配料，代表我哋公司唔同嘅女仔，就叫『施樂冰』啦！」