最近「復出」樂壇的關楚耀（Kelvin），每次外出都會帶着一個巨型百寶袋，收藏不少鮮為人知的「另類」物品！大袋內除了銀包、鎖匙、紙巾、帽子及太陽眼鏡等日用品外，Kelvin更經常帶着新歌的歌譜及Demo：「由於我想自彈自唱，所以一有時間就會溫習歌譜，而隻Demo就For我出場表演前聽！」袋中更有一套衫褲，方便他更換：「我休息咗1年，肥咗好多，所以一有空檔就做運動減肥，呢套衫係要嚟更換嘅！」
實用品之外，Kelvin的袋中還有不少「另類」物品，包括貼紙及兩條護身符頸鏈：「啲貼紙係工作人員送畀嘅，我覺得幾靚，所以諗住帶返屋企貼喺床邊！至於啲護身符係媽咪求嘅，佢話我今年犯太歲，個符可以保平安！」
