o靚模黃雪瑩（Suki）在網上教人化妝後，因樣子甜美勁似「翻版Stephy」，即被捧為新八模。今次她示範拿手的大眼妝，自爆變大眼秘訣！早前「翻版Stephy」Suki將自己的化妝步驟上載網誌後，瀏覽率急升，不但成為女生的化妝顧問，還是網頁首5位人氣最強的網誌，她說：「做Part Time Model嗰陣，我同時做緊全職化妝Sales，對化妝有基本認識同興趣，可能熟能生巧，身邊又有好多女仔朋友成日問我點化妝，所以我一次過拍低放上網上教，真係估唔到反應咁好。」
模界浮沉寧做化妝師
入行不足一年的Suki深明即使成為當紅模特兒，生涯也不會太長，故只給自己兩年時間，若在模界浮浮沉沉，寧願成為職業化妝師，她說：「最欣賞嘅Make Up Artist唔係Zing，可能我唔識欣賞太藝術性嘅化妝，我最想學到係隱惡揚善嘅化妝技巧。
模特兒同明星輪廓靚，再加上化妝效果當然錦上添花，但每個平凡女仔都有靚同唔靚嘅地方，所以我反而佩服化妝前後可以令人嘩然同眼前一亮嘅人。」
Step 1
將少少遮瑕膏（A）放在手背，用手指印在整個眼窩位，再以淺啡色眼影（B）掃上整個眼窩位，可在眼尾1/3位置掃得較深。
Step 2
利用啡色眼影（C）在整個雙眼皮位置拉長掃至眼尾位置，及至與眉毛成45度角，令眼形更加修長，營造精靈大眼睛。
Step 3
用啡黑色眼影（D）作眼線打底，先畫內眼線，再畫外眼線。用液體眼線筆（E）勾翻上眼線，令線形更實更深色。
Step 4
用啡黑色眼影（D）畫下眼線尾段1/3位，再以深啡色眼影（G）掃雙眼皮尾位，加深雙眼皮。
Step 5
用四色眼影（F）畫眼頭下的眼角位，令眼角更Sharp更醒，再塗上睫毛液，令雙眼明亮有神。
Step 6
貼上假眼睫毛，用液體眼線筆（E）畫上粗黑眼線，用白色閃眼影（H）掃眉下眼角的C字位加強立體感。