徐子珊所屬的恒藝亞洲唱片公司突傳出暫停唱片部運作，令她慘變「孤兒仔」！子珊昨日到奧海城宣傳劇集《情越雙白線》時透露，已收到唱片公司「重組」的消息：「我5月時已約滿，好唔捨得，依家搵工好難。樂小姐（樂易玲）會為我再安排，我會盡力而為。（唔續約令公司要重組？）唔好咁講啦！我都唔想放棄。（想簽大公司？）由公司傾啦！」
同場的李香琴不知道契仔呂良偉的自傳風波：「感情嘅嘢最好唔好拎嚟講，就算係都唔好講，會唔會係佢寫書嗰時，諗諗吓唔忿氣寫咗出嚟呢？（傳當年你同鄺美雲不和？）點會呀？我有送龍鳳鈪畀佢哋，但之後都唔送喇！萬梓良結婚我又有送，點知兩個都搞成咁（離婚），所以我改送金牌畀苗僑偉，依家幾好吖，金牌仲平啲。」