謝婷婷與安志杰（Andy）昨日情侶檔出席威士忌品牌The Macallan記者會，婷婷指與Andy同樣酒量淺，故已忘記對上一次醉酒是何時，但就爆男友醉後「瘀事」：「Andy有次同我媽咪食日本菜，佢之前飲咗少少酒，之後再飲清酒，跟住去唱K時已經瞓咗。（酒後打人？）梗係冇！」
對於母親拉姑屢傳是野蠻奶奶，婷婷為母平反：「聽到呢啲新聞好心痛，佢係全世界最明白事理嘅媽咪，我覺得佢哋一定要搵個做衰人，爹哋做冇人信。（傳佢唔想Lucas入娛樂圈？）唔清楚。（張栢芝畀內地廣告商追討千萬？）未聽過。」她透露下周將拍新片《少年李小龍》，並致電哥哥霆鋒問意見：「佢知我好緊張部戲，我叫佢哋等我Warm Up好先嚟探班。」