官恩娜（Ella）昨日31歲牛一推出新碟《being》，到電台宣傳時獲歌迷送上蛋糕、迷你結他及大堆生日禮物，她表示很開心新碟能跟自己同日出世：「希望我同家人身體健康，新碟大賣！（叫男友掃貨？）我諗佢會識做，佢平時都識哼我嘅歌，不過就換晒啲浪漫嘅英文歌詞。」她坦言生日時情願工作忙碌，但晚上都會留時間跟男友慶祝：「佢準備同我食意大利菜，同埋會睇戲。（送求婚戒指？）唔會！我同佢有共識，感覺未係，如果佢送戒指，我會話我啱啱出咗碟，叫佢支持吓！」
另外，Ella透露將於書展推出新書，更會到會展舉行簽名會：「本書係文字分享，有部分係生活照，唔係性感相。（o靚模被拒入書展？）我唔識講呀！不過應該愛惜自己，我都算係o靚模入行，但接受唔到三點式示人。」