黃浩與徐淑敏十分疼錫囡囡黃心瑤，更在家中下了禁電視令，希望囡囡不要太早變電視迷，黃浩說：「小朋友睇電視唔好，傷眼之餘，有啲人話BB睇得電視多會冇咁聰明，所以我一直唔想心瑤睇電視，但佢成日都好好奇咁望住個電視機，咁我同Suki商量咗，以後都只會喺房睇電視。我哋覺得既然唔想小朋友做啲乜嘢，大人都唔應該做，希望以身作則。」
黃浩坦言當爸爸感覺很開心，現在一有時間便會留在家中享受湊女樂，最近天氣炎熱，他亦有帶囡囡到酒店泳池游水，上月舉行百日宴後，他與Suki一家三口還住了一晚酒店，齊齊享受巨型浴缸的暖水浴。