杜汶澤夥拍王祖藍合作新片《人間喜劇》，鏡頭背後，阿澤談到片中的內地殺手角色，笑指為原本甚有殺氣的角色加添了鄉音，以求增添搞笑元素，他「大條道理」地說：「大家唔覺得尖沙咀、銅鑼灣都畀『內地殺手』攻陷咗咩？只不過佢哋落嚟血拚咁解啫！雖然買嘢，佢哋都依然充滿殺意喎！」

阿澤一時扮嬲，一時作狀聞祖藍的腋窩，場面搞笑。

放大圖片

貪玩的阿澤，更技癢地即席以「鄉音」憶述遇過最有「殺氣」的一位個人遊：「喎（我）曾經去過一間好速（出）名賣格仔嘅英國傳統名店，有一位內地遊客話要攞個袋睇，一睇就問：『點解呢個袋冇格仔？咁我典（點）用？你哋唔可以唔出冇格仔喎！呢件褸有格仔就好嘢喇，但典（點）解啲格仔喺裏面？咁唔得喎，有冇啲格仔喺壞（外）面o架？』」阿澤自己亦邊講邊笑，讓人捧腹。

北角咀到西營盤

祖藍的創意度亦不比阿澤遜色，談到片中咀戲連場，他即「自豪」地自度封號：「我係另類電車男！有一場電車戲，可以叫『香港一日咀』，我同女主角由西營盤咀到北角，再由北角咀返去西營盤，呢種另類電車男，我諗好多男人都想做！（咀咗幾耐？）總之就好多Take，淨係角度都有五、六個。」