早前突然宣布與法籍男友Sly甩拖的GiGi，已收拾心情投入新碟《怕寂寞的貓》宣傳工作。記得當年GiGi與鄭伊健戀情結束時，傷心得避走日本治情傷，現時她卻變得成熟，不讓感情事影響工作，反而希望以新碟讓歌迷再認識自己，她說：「外人睇藝人都會先入為主，佢哋會覺得貓一定係好高竇，但其實貓都可以好似狗咁熱情，就好似我咁，未識我嘅人以為我好高竇，但其實我好熱情同鍾意熱鬧，絕對唔係宅女嚟！」

雖經歷情傷，但GiGi明顯處理得較以前成熟。

GiGi望藉新碟讓大家重新認識她。

活在當下唔寂寞

對於戀情「觸礁」，問GiGi的愛情觀可有改變，她說：「唔需要因為一段關係結束就覺得失去啲嘢，喺個過程上面已經賺咗，享受過程反而係收穫，人生無常，唔使Plan太遠，尤其感情最冇得Plan。」GiGi雖然成了「敗犬」，卻未有感到寂寞：「有好多識咗十幾年好Close嘅朋友，又有屋企人，好多謝佢哋好照顧我，新歌就係講人生觀，尤其係活在當下，應該隨緣，唔需要太執着，愛情、生活都要懂得Enjoy。」