古巨基昨日到海運大廈展覽大堂出席環保活動，他稱即使酷熱天氣警告生效亦不會在家開冷氣：「朋友上嚟有需要就會開。（另一半點頂？）我一個人住！（Sweet緊嗰陣呢？）乜嘢叫Sweet緊？總之好少喺屋企做運動！（你爆房呀？）愈講愈熱，唔講咁熱嘅話題喇！」席間，基仔示範將新式環保膠樽扭成一團，問到扭樽時有否以傳不和的林峯為發洩對象？他說：「黐線！無啦啦講到呢啲嘢！」並強調與對方關係良好：「唔好再炒作，香港樂壇你估好過癮咩？我都想佢有好成績！（送新碟畀佢？）見到先啦！」