丁子高又自詡文質彬彬，但為了贏千嬅而搞到把口愈來愈賤，難怪千嬅在另一場合也笑他賤。此外，丁子高回應千嬅指他手濕時大講有味笑話：「如果我見到好多陌生人，我會驚，又會有手汗，不過第一次同千嬅拖手就冇手濕，同佢一齊咁耐都冇出過手汗，我對住佢我唔會濕。（千嬅有冇濕？）總之佢識咗我之後就唔會再Dry，因為我係佢甘露嚟！」

李桂蘭與梁廷鏘劃清界線

另外，名媛李桂蘭悉心打扮出席活動，獲丁子高親自接待。對於轟動全城的寇鴻萍夫婿梁廷鏘捲入迷姦案一事，李桂蘭顯得十分避忌，但亦大方回應記者，被問到有否致電梁廷鏘慰問，她說：「冇，唔想騷擾佢。」其後即與對方劃清界線：「我同佢兩個都唔係咁熟，淨係知梁廷鏘係律師，應該畀啲時間佢冷靜。」而李桂蘭與夫婿結婚多年都甚為恩愛，被問到是否有御夫術？她說：「好似何生（何鴻燊）咁講，要三從四德。」