昨日黎明（Leon）穿上全新冬裝出席Ermenegildo Zegna內地第一間全球概念店開幕活動，甫到場即獲品牌第四代傳人Gildo Zegna及Anna Zegna熱情接待。他透露今年是品牌100周年慶典，故品牌特別設計20套西裝售賣，並將部分收益撥捐聯合國兒童基金會。

品牌第四代傳人Anna Zegna甫見黎明甚雀躍，即拖着他同行。	張靜初穿白色Tube Dress，清純可人。	名模呂燕穿上黑色連身裙到場，儀態萬千。

Leon表示很欣賞品牌採取的鼓勵式制度，並接納一個「金羊毛大獎」：「佢哋想鼓勵一啲養羊嘅人，令佢哋養出最靚嘅羊毛提供畀品牌同其他人。」記者問到作為公司老闆的他又如何鼓勵旗下藝人？他即時「金句王」上身：「你哋畀最好嘅成績就係最大嘅鼓勵，作為藝人，做好成績畀傳媒報道，令觀眾知道咁樣，咁就大家都好。」

留了鬚的蘇有朋，穿上西裝Man爆。	內地名模石周靚和女星胥力文齊來捧場。	放大圖片

Leon又謂希望在傳說中的2012年前大家稍為有些改動，記者笑問他想傳媒改些甚麼？他認真地說：「做藝人所講嘅每一句說話，唔係全部觀眾可以聽到晒，中間可能會有一啲刪減，但如果藝人講錯說話，就唔需要包庇同修飾，等佢哋自己承受番，但好嘅嘢就照寫。」

聞離婚：廢話免問

至於談到太太樂基兒為他解釋其金句「空肚食早餐」的真意？他即笑說：「佢有問我，我解釋意思係食前應該飲杯水。（多謝佢？）我依家都要搵人多謝，但搵唔到人，因為我都唔記得咗幾時講過呢句說話。」記者指網友將他歷年來的金句輯錄下來，Leon不怒反笑說：「最白癡嘅嘢入面都有可取嘅道理，千祈唔好戴有色眼鏡去睇。（你講嘅嘢人哋唔明會唔會覺委屈？）從來都唔覺得委屈，因為我係香港出世嘅北京人，與生俱來冇得改變，如果你哋唔明，歡迎大家問。」談到離婚傳聞？Leon送上四字真言：「廢話免問。」

張靜初自爆單身

另外，昨晚出席活動的嘉賓還有張靜初、呂燕、杜鵑及蘇有朋等。張靜初透露首次欣賞男裝Show：「以前認為着西裝嘅人好Cool同有距離，但睇完反而覺得親近咗！」對於曾合作的黃曉明與Angelababy傳緋聞？她說：「我睇報紙有聽講過，但冇見過佢嚟探班。」她更表示此刻仍是單身。