日前黃秋生發炮狂轟o靚模，發表「群妖亂舞」論而引起外間夾擊，由胡心諾（Rainbow）為首的Donut昨日拍攝動漫節主題曲《電動樂園》MV時說：「我唔會對號入座，相信佢唔係講我哋，不過佢個形容詞唔係咁好聽！（會唔會送寫真畀佢？）見到面而身上又有寫真會送，唔會覺得尷尬！」同場未見成員Caroline蹤影，惹來不和疑雲，但Rainbow解釋她只是返內地出席畢業禮。
另外，曾與黃秋生合作拍電影，在戲中飾演妓女一角的姜紫藍，今年亦推出散文集加寫真，對於秋生的言論，她隔空力撐：「秋生教我好多道德操守，同埋講咗佢對娛樂圈嘅偉論，雖然佢今次係有啲一竹篙打一船人，不過我相信佢係一個講道理嘅人，有機會見到佢，我會問佢記唔記得我呢個『妓女』，亦為同行平反一下。」
