貿發局禁止o靚模在書展搞簽名會，引起連串風波，周秀娜帶頭玩寸Party，誓要硬闖書展，亦有o靚模密謀潛入書展造勢，不過亦有人息事寧人，寧願另覓場地宣傳，當中「爆E超蓮」Iris及DaDa表態會另覓地方宣傳，而與o靚模劃清界線的林莉亦表示不會到書展，選擇舉行新書分享會。Iris說：「暫時冇計劃入去做宣傳，寧願喺第二個場合搞活動，等真正想買我哋本書嘅人可以近距離接觸！我哋會喺17號去旺角西洋菜街賣T恤，好期待嗰日同粉絲見面！」

陳靜另覓場地搞簽名會，宅男有福了！

Iris到了沙灘後，即坐在沙灘席上睇雜誌。

大戰前夕赤柱Relax

寫真戰一觸即發，近期因拍妄攝寫真火速上位的Iris，日前偷閒到赤柱曬太陽充電！擁有35E上圍的她，當日身穿低胸沙灘裙行赤柱，先拿出「金牛」買20多元的單球雪糕，其後入商店試拖鞋及沙灘裙，不慎將雪糕滴到心口！於大街招搖一輪後，她移師沙灘曬太陽及睇雜誌，未幾更解開比堅尼帶，半裸曬日光。由於胸前偉大，加上有數名泳客路過，她火速將E Cup上圍壓在沙堆之中，最後更綁緊泳衣帶。事後她接受電話訪問時說：「我住喺附近，曬太陽好正常啫！（半裸？）我好小心壓住前面，一定唔會走光！」對於由她率領的《inside》寫真集，因成員Debby拍「撕暴」短片而遭受批評，她說：「已經刪咗條片，唔會有下次！」

送寫真感化秋生

另一邊廂，DaDa昨日與李莉琳（Liz）及蔡瑩瑩（Ivy）出席黃埔新天地活動時，提到周秀娜揚言走勻全港商場宣傳寫真，DaDa與Liz表示想跑多幾場簽名會，不讓對方專美，更有意請黃秋生出席：「想送本簽名寫真集感化佢！」DaDa更表明不會去書展：「我哋本書係自然，唔會刻意去！（着咩衫去簽名會？）靚女裙囉！唔會性感！」