去年與飲食界才俊黃浩（Kenny）「奉女成婚」的徐淑敏（Suki），今年3月誕下囡囡心瑤，產後3個多月的Suki，已極速收身回復苗條身段。日前約下午3時，兩夫婦撇下囡囡逛中環置地廣場，戴上黑超、穿跌膊裙的Suki，全程翹實老公晒恩愛。但當發現記者後，她顯得有點不自然，不時用手整理衣服，再進入附近酒店的餐廳撐枱腳。
他倆共度2個多小時的二人世界後，亦不忘為囡囡到附近的高級嬰兒用品店購物，甫進店內，Suki即細心研究嬰兒護理產品。問到是否每晚要錫過囡囡才可入睡？她說：「都唔係嘅，我成日都會錫佢，連嘴仔都會錫埋o架！」其後與老公雙雙離開。事後Kenny說：「嗰日係我哋拍拖一周年，所以專登去番我哋第一次拍拖食飯嘅地方。（送咩禮物？）冇送嘢呀！Suki話佢乜都有，我都叫佢唔使送嘢畀我。」
事隔數天，Kenny的父母帶同孫女到中環逛街，抱着孫女的黃母將孫女安頓車上後，三人登上Kenny的七人車離開。