昨日15位候選港姐到溥儀眼鏡旗艦店行Catwalk，爭奪「時尚目光獎」，在佳麗互選環節中，莊思明及李文煊獲得最高票數，但最終由湯寶珍奪得，評判之一的無綫監製梅小青大讚有氣質及可塑性高，睇好她接佘詩曼棒做劇集女主角！不過，湯寶珍對答時口窒窒，要司儀梅小惠出口相助，她坦言爆冷得獎感榮幸，問到是否想拍劇？她說：「未試過，唔知感覺係點！（想演咩角色？）想扮卡通人物，日本戰隊嗰啲。（冇佳麗選你人緣差？）唔關事，只係審美眼光唔同。」

莊思明	湯寶珍撼贏大熱的莊思明奪得「時尚目光獎」。	崔建邦與梅小惠擔任司儀狂搞爛Gag。

梅小惠狂搞爛Gag

此外，李文煊將「面細」講成「面西」，不知幾乎爆粗：「咩意思？（黑口黑面！）點寫o架？我會上網Search吓！（冇人糾正你？）佢哋成日提點我！可能我今日緊張！」而梅小惠與崔建邦狂搞爛Gag，小惠將(8)彭慧中說成「胡慧中」，又指「要請肥姐上嚟」！她解釋沒有對已故的肥姐不敬！崔建邦則表示未知會否任港姐決賽司儀，若有機會亦很想做。