譚詠麟（阿倫）昨日與Mr.出席個唱綵排，對於烏拉圭對荷蘭的四強大戰，阿倫得戚地說：「我貼中荷蘭贏。」熱愛踢波的阿倫自爆世界盃開波前已買了其中四隊有機會捧盃，他說：「買咗英國、阿根廷、西班牙同荷蘭，依家『叫』緊胡。（買咗幾錢？）十蚊，好似無綫畀有線嘅錢。」阿倫大方透露與兒子譚曉風一齊欣賞球賽。
另外，任達華認為昨凌晨的賽果正常，他說：「大熱門取勝所以唔興奮，不過我睇好德國捧盃，因為荷蘭冇冠軍相。」苗僑偉則說：「場波麻麻哋，睇好德國攞冠軍。」而呂慧儀只看了精華片段：「尋晚賽果好合理，今晚我捧德國隊。」黃婉曼讚荷蘭球員雲邦荷斯說：「佢入嗰球真係世界波，佢踢埋呢屆就唔踢，好完美。」
