陳錦鴻、宣萱、胡杏兒、楊秀惠及陳美詩等昨日為無綫新劇《萬凰之王》試造型，其中美詩及秀惠這對新舊「孫嫂」成為焦點，還大方合照！美詩坦言跟秀惠合作不會尷尬，早前也合作過幾次：「佢係一個好好同事，大家合作得好開心。（孫耀威知唔知？）佢知我拍呢套劇，但唔知我有咩對手。」提到秀惠會在劇中死去，是否覺得對方抵死？她說：「我唔知喎！未睇過劇本。（使唔使畀楊秀惠摑？）唔知劇情需唔需要。（佢懷恨在心逼真打？）唔會！懷咩恨呢？你哋好多設計呀！」
美詩在劇中則飾演秀惠的妹仔，問到可會糟質她？秀惠笑說：「梗係會！做得唔好罰佢！美詩個角色心地好好，我反而成日屈佢，想佢死。（係咪心底說話？）唔係！我心地一向好！（你做大佢做細？）我係比較高大！」另外，首次飾演王后的杏兒表示與宣萱在劇中大鬥法鬥生仔，她表示大熱天時穿上厚重戲服預了瘦十磅。而宣萱有感不習慣穿宮廷清裝，首次穿上時忘了戴上頭飾而撞向牆。