梁詠琪籌備逾3年再推出唱片，昨晚她在中環舉行迷你音樂會造勢，她以MMM白色露肩裙及高踭鞋現身，型格性感兼備。GiGi邀得音樂才子陳奐仁（Hanjin）到場，她指Hanjin是見證她首次做唱片監製的人，Hanjin笑她是新碟的總經理，又抵死地跪在椅子上與GiGi拉近「距離」。

梁詠琪收到兩隻流浪貓作禮物，即場向「新寵」送吻。	GiGi的新碟未推出，定單已逾百萬元，當然要開香檳慶祝！	陳奐仁封GiGi為新碟總經理，氹得她開懷大笑。

GiGi坦言首次兼任監製感覺甚深：「要留意埋好多做歌手時唔會留意嘅嘢，做碟呢4個月真係好辛苦，綵排嗰陣真係想喊，依家終於出到隻碟，係苦盡甘來！（怕咗做監製？）我反而想再做，仲想幫其他歌手做添！依家學識珍惜，好開心，傳媒同歌迷都冇忘記我！」

愛貓一族的GiGi獲唱片公司老闆送上兩隻流浪貓，她表示會收養牠們，又興奮得向牠們送吻：「不如叫『Michael』同『Jackson』，不過依家世界盃喎！不如都係改個依家Hit啲嘅，叫『卡卡』同『C朗』啦！我真係會拎佢哋返去養o架！今次出碟都好值得紀念，而且自己養緊一隻，帶埋佢哋返去可以有個伴。」

有意出書

對於唱片公司豪擲200萬元為她做碟，GiGi指新碟在香港及內地甚受歡迎：「定單都已經有成百幾萬，一定回到本，好有信心仲會有下隻碟！」提及她在微博人氣高企，是香港藝人之冠，她表示寫微博激發起她寫作的興趣，若有機會亦希望出書。