書展禁止件o靚模宣傳，一班o靚模惟有變陣為新書造勢，不少人向商場打主意，其中Angelababy定於本月24日在海港城舉行簽名會，她的師妹楊汀叮同樣出寫真集《Fantasy》，其中一個牛仔Look更令她拍到流血！因為拍攝時躺在一堆仿禾稈草上，搞到身體多處被刺傷。汀叮在書中還親自教化妝，並拍成共五段化妝教學的限量版DVD。
而陳靜（DaDa）與同門Liz（李莉琳）及Ayu更快人一步，搶先於書展開鑼第二天（本月22日）進駐新太陽廣場舉行簽名握手會，DaDa說：「讀者喺會展買完書，跟住攞籌嚟簽名會，好開心終於可以同Fans見面，有客戶支持亦證明我哋唔係咁低俗啫！」但未決定會否性感上陣。提到黃秋生狠鬧模「冇青有春」，DaDa笑說：「青春有一半都好呀！希望佢將來認識我哋多啲，會有唔同嘅睇法。」
