早前Neway二少薛嘉麟被拍到與o靚模遊船河後，有指激嬲女友Marie，故急急飛往台灣向身在當地工作的女友補鑊，事後Marie表示信任男友。本月四日（大前日），Marie與男友由台灣返港後，連衫都冇換便箝實男友，拍拖到數碼港行街睇戲。約晚上11時，他們看完電影《吸血新世紀3》後，便十指緊扣步出戲院，期間Marie被男友逗得不時甜笑！箍煲成功的薛嘉麟，更充當柴可夫駕駛其白色Audi座駕送Marie離開。

甫落機的Marie，沒有換衫便與男友十指緊扣去睇戲。

薛嘉麟充當柴可夫送女友Marie離開。

薛嘉麟被女攬賴地滑

另外，Marie昨日以嘉賓身份，到廣州出席《2010第三屆中國「新塘」國際牛仔形象大使大賽發布會》，問到薛嘉麟開船P被女攬，她說：「都過咗去，總之我信佢。」Marie自爆早已知道男友當日去遊船河，但她因有工作而未能一起出席。對於有女仔攬男友，Marie說：「可能玩得開心，或者個地好滑跣親，所以就扶住佢。（有冇嬲？）我第一個反應唔係嬲，而係點解唔係掉番轉，唔係個男仔攬住個女仔o架咩？（有冇解釋點解攬住？）冇特別講，遊船河個地有水，有水會滑，所以跣親。佢有同我講話出去玩畀人影到，叫我笑吓囉！」

對於今年書展o靚模被禁在會展宣傳，Marie表示不知情，但不認為o靚模寫真集過分性感：「佢哋身材好好，皮膚好滑。（介意男友買寫真？）唔會，佢覺得靚咪買囉！仲會叫佢介紹畀我睇。」