王君馨、陳自瑤、陳琪及劉家輝等昨晚擔任曾志偉主持的《超級遊戲獎門人》嘉賓，雖然志偉現身錄影，但同日竟誤傳死訊，他不怒反笑說：「話我死咗？我前日已經一早知，話阿根廷輸波，搞到我喺屋企暴斃吖嘛！好多人打嚟問我！我知內地不嬲都好多呢啲惡搞嘢！」他的助手直指傳聞「非常虛假」。
王君馨笑言看過《獎門人》，但未試過上節目，問到是否擔心玩遊戲時受傷？她說：「做足安全措施，帶咗個蛋撻形咕o臣，放喺件外套入面，爸爸都擔心我整親，唔能夠跳舞！（咕o臣墊胸係咪最緊張個胸？）係呀！我想學王祖藍戴三個胸圍，但之後覺得唔好，所以墊咕o臣。（玩得太癲會嬲？）上得嚟預咗！」而王君馨玩「爆波波」遊戲時，更出茅招用手整爆波，志偉即說：「你整爆自己個波呀！」
