祖兒、劉青雲和張衞健昨晚出席電影《反斗奇兵3》首映禮，貪靚的祖兒穿上Midnight Rendez Vonc的卡通服到場，她笑說：「我想隆重啲，但又唔會着低胸、Deep V。」童心未泯的祖兒表示，今次不問酬勞兼毛遂自薦聲演《反》片。

對於有指林峯拍攝電影《翡翠明珠》時不願咀她，祖兒即高呼：「邊個唔想錫邊個唔知嘅！」記者再追問是否她不願咀林峯？她說：「又唔係要伸脷，好普通啫！林峯好專業，相信佢唔會咁。其實我個嘴成個咕o臣咁，OK o架！」其後，祖兒搞笑地扮酸溜溜說：「是但啦！唔通話林峯咀我，我唔願意咩？佢依家係萬人迷嘛！」

青雲指秋生「激咗啲」

當談到好友黃秋生大罵o靚模，劉青雲覺得好友「激咗啲」：「佢態度有問題，發表意見冇問題，但咁鬧人，人哋點接受？（點睇o靚模入書展？）行為絕對過分！但唔畀佢哋入要畀個解釋囉！」對於秋生遭模反寸與「妓女」相熟，青雲即失笑說：「吓？唔係吖嘛？大家要明白，秋生係有正義感先咁講，佢冇心傷害人嘅。」談到太太郭藹明有份主演的舊劇再掀熱潮，他抵死地說：「咁推佢出嚟做吓都好喎！」