林峯昨日與蔡卓妍（阿Sa）以電影《翡翠明珠》演員身份，出席煞科賽馬日宣傳活動。近期忙於演唱會排練的林峯透露，個唱將加開至四場，被問到其氣勢蓋過「同門」的古巨基，林峯說：「冇新聞啫！我鍾意聽基仔唱歌，我哋同公司OK o架！（基仔話自己係獅子，驚唔驚食咗你？）咁巨蟹座就打橫行咩！我係天蠍座鍾意自由，認為樂壇可以容納唔同類型嘅歌手，最緊要做好自己。（但獎只得一個！）我唔諗呢啲。」
至於阿Sa今日往橫店工作，稍後返港繼續幫手宣傳電影，問到是否想做馬主？她笑說：「我要養家、養屋、養車同埋五隻狗，暫時做唔到馬主。」
