女歌手鄧紫棋（G.E.M.）連續第二年擔任休閒鞋履品牌代言人，昨晚她拍攝新廣告時賣口乖：「多謝品牌畀機會，其中一對鞋有助減肥，我會日日着！」不過問到是否有效時？G.E.M.卻倒米說：「未見成效！我會多做運動，準備年底個唱同澳門騷。（去澳門開騷入賭場玩？）18歲生日喺澳門睇完Lady GaGa演唱會嗰陣，處女下海入過賭場，換咗四百蚊籌碼玩，點知輸咗三百蚊，留番一百蚊籌碼留念，只怪自己太貪心，初時都有贏但愈玩愈大，結果由贏變輸。」