金句王黎明（Leon）的金句並非人人聽得明，但身為「黎明嫂」的樂基兒（Gaile）當然是知音！擁有性感豐唇的Gaile昨日出席Max Factor活動，問到老公有否讚過她的嘴唇，她說：「冇，我哋好少讚大家，大家鍾意大家咪得囉！」問到覺得Leon的嘴唇怎樣，她說：「唔太厚亦唔太薄，男仔最緊要有自己性格，我鍾意佢個人，唔係鍾意佢個唇。（鍾唔鍾意佢啲金句？）鍾意o架！我聽得明，知佢表達啲乜。（佢會唔會對住你講？）都會，我明o架！可能我畀Support佢，所以佢至成日講。」不過，問到她是否聽過Leon的經典金句「我唔可以空肚食早餐」，她竟反問：「點解唔可以空肚食早餐？」被記者取笑原來聽不明白。
同場的陳偉霆則透露十多歲初戀時，與初戀女友都正在箍牙，以致Kiss時撞到，十分尷尬！問到當時的女友是否指曾經箍牙的Angelababy，他即說：「唔係佢。」另外，對於黃秋生發表「o靚模妓女論」，他說：「希望事件盡快完結，因為罵戰已經愈嚟愈犀利，每個行業都有買有賣、有供有求，只要尊重自己嘅職業就可以啦！」
此外，對於有指她與黎明傳出婚變，樂基兒昨日回覆時否認其事，更直斥傳聞無聊，並非事實。