鍾欣桐（阿嬌）與方力申昨日手挽手到廣州長隆水上樂園宣傳英皇電影《出水芙蓉》，被導演劉鎮偉取笑緋聞及追問婚期。不過，本來心情大靚的阿嬌，被曾揚言「非嬌不娶」的癡情Fans「番禺007」踩場，嚇得花容失色！她說：「我一眼就見到佢，即刻攞把遮護身。（小方保護你？）佢閃最快。（翻撻？）都冇機會發展，我鍾意導演多啲。（鄧麗欣話對小方有信心？）我睇報道佢唔係咁講。（(目及)實鄧麗欣？）我睇微博知咋！（票房過5千萬就着泳衣？）我被迫，但希望票房會好。」
至於小方亦否認與阿嬌翻撻：「我係電磁爐，冇得撻，唔係喺埋一齊就戀愛嘅！（拍戲時眉目傳情？）咁梳乎？（怕鄧麗欣詐型？）冇！（佢對你有信心？）佢對我演戲有信心。（緋聞當宣傳？）唔係，經歷咗好多，感情昇華，首映我哋會廿指緊扣出現。」另外，阿嬌接受內地傳媒訪問時，談及劉鎮偉這幾年來對她的支持，忍不住落淚。
攝：林楠廣州傳真