黃秋生的「o靚模妓女論」近日鬧得滿城風雨，o靚模始祖Angelababy昨日出席ctf.2活動時說：「依家好少報道將我歸納做o靚模喇！我今次本寫真集好健康，唔會令人有歪念。（覺得佢言論過激？）每個人都有自己嘅睇法，佢哋都要付出努力先成功，但部分有啲過火。不過，呢啲係佢哋自願付出，成功或失敗都要自己承受，我唔可以講啱定錯。」

Baby昨日出席活動時，親切地與Fans大合照。

黃曉明到上海探望熊貓「子女」，更親自餵牠們食蛋糕。

對於緋聞男友黃曉明力撐她是真材實料，絕非人工美女，Baby說：「個個朋友都知我冇整，我畀佢哋摸過。（摸邊？）摸面，任人摸，其他地方就好私人，唔需要證明，自己知就得。」她承認因舊照片不好看而惹誤會，故已決定年底找醫生驗明正身，問到為何等到年底，她說：「因為暫時未搵到醫生，如果有醫生搵我，隨時都可以。」問到黃曉明公開力撐是否代表感情浮面，她甜絲絲地表示不想多談私人事，但很開心有人保護，亦希望自己變得堅強，可保護身邊朋友。

黃曉明到上海探望熊貓「子女」，更親自餵牠們食蛋糕。	黃曉明竟在沙漠發現巨型心心，蜜運中果然特別心水清！	放大圖片

沙漠傳心意

至於黃曉明日前與羅志祥到敦煌拍攝新一輯百事廣告，眼見工作人員汗流浹背，曉明即「萬歲」請大家飲汽水，他又在沙丘發現一個很大的心形，大家即催促他將「心意」上載至微博，令他笑逐顏開。 另外，曉明還抽空到上海為收養的雙胞胎熊貓「平平」及「安安」慶祝2歲生日，並親自餵牠們食蛋糕。父愛滿溢的他，預備了特製的大竹筒作生日禮物，以美食吸引熊貓做運動。