陳淑蘭與寇鴻萍及梁廷鏘（Patrick）關係密切，除了是好友外，她亦替緋聞男友利承武打理FEVAR生意，在公在私均與Patrick稔熟。對於Patrick捲入迷姦案，她表示事件未經證實，故不會誤信傳聞：「我啱啱先同寇鴻萍去台灣睇演唱會，完全唔覺佢有異樣！如果發生咁嚴重嘅事，仲邊會有心情，佢返到香港仲即刻打電話畀Patrick添！」問到有否致電Patrick求證，她說：「唔會！股東亦未打算開會。」
至於酒吧另一股東汪詩詩的妹妹汪圓圓，昨日出席化妝品活動時力撐事件純屬謠傳：「佢哋好恩愛，Patrick對我好尊重，佢好Nice！我唔相信佢會做犯法嘅事，我覺得只係傳言！（佢之前試過畀人影到攬女喎！）一單還一單，同埋嗰啲都係傳言！作為朋友，我會關心佢哋，不過唔需要擔心，因為件事係傳言，唔係真嘅！」而與寇鴻萍情同姊妹的鄭裕玲亦不欲多談：「件事上晒頭條，唔方便評論！」