寇鴻萍老公梁廷鏘傳捲入風化案，圈中人議論紛紛，更引起網民熱烈討論。
官恩娜：我有睇報道，我唔識寇鴻萍老公，件事調查當中，唔方便講太多，但凡係非禮、唔尊重女性嘅案件都希望減少，因為唔係好嘅風氣。
農夫：唔識梁廷鏘，啲女仔去夜店應該要警惕，唔係第一次講o架啦！（男仔安全啲？）男仔就「賴」第二啲，所以除咗工作，我哋好少去蒲夜店。
網友指寇鴻萍一家近來煩事多多，並在唐貝欣的微博留言，稱她一家是「愛生事家庭」，新聞不斷。亦有網友撐寇鴻萍，覺得她十分可憐，剛為女兒的「盆景貓」事件煩惱，現又要為老公的事憂心。此外，不少網友在寇鴻萍的微博留言支持，希望她一家能渡過難關。
模特兒Jocelyn與夫婿Anthony表示不認識梁廷鏘，Anthony更反問記者：「喺邊度發生？佢畀人拉咗？受害人係邊個？」當獲悉受害人是模特兒時，他們說：「唔會帶朋友到該夜店消遣，仲會充當朋友嘅父母照顧佢哋。」