在娛樂圈廣結人緣的梁廷鏘（Patrick）捲入涉迷姦事件，事發後他獲好友支持，力證他的人格。Rosemary對事件感到震驚，直言難以置信：「我同佢哋成家都好好朋友，Patrick好好人，件事等警方調查先。不過作為女仔，出外飲嘢要好小心，唔好接受陌生人畀嘅飲品。（致電佢？）暫時唔會。」傳聞Patrick出席黃浩的BB百日宴後在夜店惹是非，對此他說：「當日見佢唔係飲咗好多酒，同佢哋兩公婆都熟，希望係誤會，已傳SMS問候。」
至於寇鴻萍老友查小欣昨日在節目中覆述，前晚曾跟寇鴻萍通過電話，她表示老公身在內地，還撞見呂方，查小欣說：「佢話呂方可以做證，佢確實唔喺警署，寇鴻萍話佢老公原定過兩日先返，我就勸佢盡快返港交代，作危機處理。」至於DJ啤梨（葉文輝）亦力撐說：「我同寇鴻萍平時喺微博、電話都有聯絡，同佢老公就唔熟，覺得佢唔係咁嘅人，我會SMS安慰佢，如果事件屬實寇鴻萍都係受害者。」