捲入涉迷姦案的Patrick，昨日已經由外地返港，案件現交由警方跟進。由於是次事件涉及模，加上Patrick亦是具知名度的Ball場常客，令事件備受關注！有傳案發當晚（上月27日），新八模風頭躉Mia在事發前數小時，被目擊現身Patrick曾光顧的灣仔夜場Space，但她接受本報訪問時連聲否認曾蒲吧：「27號晚我冇去玩，但係上月18號喺Space見到佢（Patrick），嗰晚我哋都冇打招呼！」

Jeana：佢好好客

她澄清案發當晚與Patrick零接觸，但承認於5月曾與對方有一面之緣，當時她到Patrick與寇鴻萍有份投資的酒吧FEVAR，出席友人的生日派對，她踢爆Patrick初次見面已相當熱情：「佢搭一搭我膊頭，我梗係即刻縮開啦！」她又急與Patrick劃清界線，故拒評論其為人。

至於同為新八模成員的Jeana，昨日與羅仲謙出席化妝品活動中，不諱言早前在FEVAR認識Patrick：「我見過佢，亦有同佢傾偈，佢好好客，仲請我飲嘢！印象中佢好Friendly，唔覺有乜嘢異樣！」

劉俐：唔知乜事

據知，除了Mia外，其好友莊茜宜（Saiyi）、「藍莓」劉俐及羅凱珊（Kama）亦曾於上月18日現身在Space舉行的派對，惟Kama予以否認。至於劉俐則承認上月18日曾在Space遇到Patrick：「嗰晚佢喺另一間房，我只係同朋友傾偈，所以冇乜交流，報道話我只逗留一分鐘係為咗見佢，就更加唔啱，因為我留咗成個鐘！嗰晚（18號）我只係去過灣仔，冇去蘭桂坊，真係唔知發生乜事！」而Saiyi承認曾陪Mia到夜店玩樂，但僅逗留一小時便離開，她強調並不認識Patrick：「嗰晚只有Mia畀酒我飲，但因為第二朝要早起身，所以我一杯冇飲過！」她澄清案發當晚並沒有夜蒲：「26、27號都冇出夜街，因為28號我同同學早機飛去日本玩！」