模特兒蒲夜店捲入迷姦案，令一眾o靚模擔心會成為下一個受害人，她們除嚴守模特兒公司實施的「宵禁令」外，更使出不同的招數，力保自身安全。人氣急升的「浸大E神」楊梓瑤（Carol）對於模被迷姦一事，感到非常震驚，指受害人可憐，而在工作時經常穿性感三點式的她，容易惹人遐想，故特意自度「拒飲陌生人飲品」、「泰拳」及「禁蒲」三式防狼：「我淨係約相熟嘅朋友夜蒲，又唔會飲陌生人嘅飲品。雖然我識泰拳，但飲咗有料嘅嘢，幾好打都冇用。公司已經禁去夜街，因為有好多嘢做，要爭取時間休息。」問到Carol在夜蒲時曾否被抽水？她堅稱沒有，還分享擊退陌生人埋身的經驗：「試過同朋友去酒吧消遣，有個陌生男人伸手畀杯酒我，我梗係拒絕唔睬佢啦！我都唔識佢，佢叫我飲就飲咩！我唔會蝕底畀佢。」

將推出「妄攝」寫真的「爆E超蓮」鍾永慧（Iris）與唐貝詩姊妹分屬好友，對於其父梁廷鏘涉迷姦案，她表示曾致電對方：「佢冇聽電話，會SMS問候。（防狼招？）公司已下令唔准出夜街，要Keep好皮膚為寫真宣傳。」

「翻版李嘉欣」高踭鞋扑色魔

「翻版李嘉欣」陳雅絲（Cat）表示從未到FEVAR夜蒲，有需要亦會用武力對付色狼：「如果遇非禮會用高踭鞋扑佢同踢佢！」被傳去富豪飯局的Cat支吾以對地解釋是借廁所：「唔識所傳嘅富豪，呢排模多是非，唔想畀無中生有嘅新聞拖落水，誤會被包養同援交。」

新八模的「翻版關心妍」馬卓寧（Vibeke）及「翻版張惠妹」徐熙素（Hazel）齊聲表示沒有聽聞迷姦事件，夜蒲時會提高警覺，飲酒只會淺嘗。Vibeke另教防狼招：「試過被揩油，邊有貓唔食魚，有人挨埋嚟會睥實佢。」Hazel說：「玩實有人多手多腳，唔好以為o靚模就冇戒備心，去玩唔去舞池。」