自月前開始，張文慈（Pinky）由喜歡求神問卜的神婆，搖身一變篤信基督，日前更被發現現身旺角的神召會禮拜堂，與47位教友齊齊受浸，正式成為基督教徒。現場所見，Pinky一早到場打點，禮儀開始時先與教友唱詩歌，更懶理旁人指指點點，不時高舉雙手確認信仰，相當投入！後來她換上紫色受浸袍，排隊等候洗禮，期間她神色緊張，最終在兩位牧師攙扶下全身向後翻進水中，站起時恍如水人一樣，雖然有點狼狽，但她卻一臉滿足微笑！

正式受浸前，Pinky（右）坐在一旁培養情緒。

Pinky在教會人士協助下受浸，儀式簡單而隆重。

自嘲性急冇安全感

完成受浸儀式後，牧師邀請Pinky上台做見證，事前未有準備的她竟滔滔不絕：「最初朋友同我講佢信耶穌，我就同佢講：『點解你個神得，我個神唔得？』我仲鬧到佢喊……我性急，喺娛樂圈又冇安全感，以前每日打坐一個鐘，都平復唔到自己，信咗耶穌令我徹底改變……今日我帶埋全家人嚟，我想耶穌祝福佢哋……大家信耶穌啦！好嘢嚟o架！」還未說完已眼淚直流，全場掌聲雷動！

Pinky做見證時愈說愈激動，不禁淚灑人前！	Pinky受浸後接獲鮮花，慶祝「重生」。	張文慈（前排中）正式受浸，並與教友合照留念。

事後不少教友主動找Pinky合照，她亦來者不拒，同時會合婆婆、父親、姊姊及弟弟等家人影相留念，不少親友更送上鮮花賀她「重生」。當在人群中發現記者時，她反應出奇地平靜：「多謝你支持我呀！今日好開心，以後淨係想幫教會做多啲事。（唔再作性感演出？）依家拍唔拍戲我都好平常心，有工開當然高興，不過唔會強求囉！」原來當日婆婆亦受感動，開始信主。另外，Pinky受浸的同時，DJ羅啟新宣布「轉會」去神召會禮拜堂。而前亞視藝員何佩儀原來已篤信基督多年，當日亦有送上祝福。