早前，張栢芝到上海出席活動時接受訪問，大談兩位謝家公子的生活趣事。平日眼仔睩睩的大仔Lucas，原來經常激親媽咪，栢芝表示因懷二公子Quintus期間經常戴口罩，故Lucas每逢看到戴口罩或肥女人即會大嗌「媽咪」：「我畀我瘦嘅相佢睇，但Lucas就會嗌姑姐（謝婷婷）！Lucas睇到戴太陽眼鏡嘅人就會嗌爺爺（謝賢）！Lucas又好鍾意飛機，曾誤會整個機場嘅飛機都係由爹哋謝霆鋒擁有！」

拉姑與老公出巡，希望大家不要再跟蹤Lucas。

喜歡飛機的Lucas，曾誤會機場的飛機都是由爹哋謝霆鋒擁有。(資料圖片)

栢芝透露未足兩個月的細仔Quintus非常好肉，Size等同六個月大的Lucas。生了兩胎後，栢芝表示最辛苦是平衡Lucas的感受。問到會否讓Lucas參與幕前演出，她起初笑言要「睇價錢」，其後說：「最緊要開心，想留番份童真！」

拉姑配合新抱湊孫

另外，狄波拉昨日出席好友馮美基《May's星級宴客》新書發布會時，主動澄清大罵栢芝一小時的傳聞：「我要做嘅就係配合，如果佢忙我會幫手湊仔，我新抱會唔會畀我鬧個幾鐘咁蠢？（贊成Lucas入行？）我只會配合同支持，唔好再誤解我！我邊個都唔可以控制！」她表示小朋友應該要讀書才受尊重，更指栢芝很緊張兒子的學業：「我得一個要求，如果返學，請大家唔好跟，以前霆鋒冇得讀書就係畀記者跟，咁仲邊有學校收我個孫？」