本文重點
剛推出寫真集的o靚模組合Donut之首Rainbow（胡心諾），原來襯衫亦有一套，以青春活力作賣點的她，早前穿上白色連身雪紡裙配淺藍色牛仔布外套現身，沙灘Look令人眼前一亮！她說：「件外套喺泰國市集買嘅，唔記得幾錢，總之好平啦！我另外仲買咗好多衫，返嚟嗰程行李多咗好多！而條裙就喺日本買，我平時鍾意以青春打扮見人，因為易襯得嚟效果又靚。」
銅鑼灣掃瀛服
自認崇日的Rainbow最愛日系打扮，除到日本瘋狂掃貨外，她在香港亦有心水地方入貨：「銅鑼灣好多地方都買到日本型衫，我最鍾意去SOGO樓上嘅青春便服部，嗰度稱得上係買日本衫嘅潮流指標！」她還有不少襯衫心得，例如她身上的外套便是百搭之選：「淺色真係最易襯，又啱夏天感覺，我呢件外套如果入面唔襯連身裙，襯背心、熱褲就可以營造出另一種效果！」
