胸大等於神級？寫真集被指似鹹書？「浸大E神」Carol因影含冰大特寫，成為C1頭條女主角，其他模亦加把嘴狂轟，這位屋邨女神由被攻擊到反擊，這場鹽花滿地的寫真戰正式開波！Carol首次出寫真即引起外界嘩然，連她亦始料不及：「我都覺得好激，冇諗過可以做到咁，但事實上出嚟嘅效果都OK！」對於被轟寫真過火，Carol認為只是觀點與角度問題：「你用咩心睇去睇件事先至最緊要，即係你覺得嗰樣嘢係鹹濕，咁係咪個心裏面有問題呢？」
早前DaDa狂插「佗衰家」，Carol則暗寸對方：「我本身EQ唔高，不過經過一輪特訓之後就豁然開朗！（你係大學o靚模，EQ係咪應該高啲？）就算你有過咩學歷、讀過咩書，你都唔會習慣咁樣畀人無端端攻擊，咁無理取鬧，但係諗番轉頭，都要多謝佢，多謝佢睇得起我，咁話我等如要幫我宣傳埋添！」
為頭家狂賺錢
出身屋邨的Carol直言做o靚模是為了賺錢，希望能為家人帶來更好的生活：「其實我諗做呢行冇人會係為藝術定係為滿足感，我諗都係為回報！講為藝術嗰啲，我諗真係有錢女，賺錢買花戴嗰啲！但我要養家，就係為賺錢！」雖然現時收入能應付生活，但她仍期望有更大回報：「我想再賺多啲，因為我想將來畀啲好嘅生活畀父母，佢哋都老喇，差唔多退休，我係大女要為佢哋做番啲嘢！」外界經常把她與周秀娜（Chrissie）比較，但Carol自言與Chrissie仍有很大距離：「我啱啱起步！同Chrissie冇得比，人哋係前輩，咁努力，我係後輩，同埋我好多嘢都唔識，所以真係冇得比囉！」
拒揀靚仔男友
現時Carol仍在求學階段，一切都以學業為重：「我知入娛樂圈要用好多時間，但我可以返完學之後做嘢，好彩公司畀好大自由度。」除了學業與事業外，Carol的愛情亦相當得意，早前更默認戀情，她表示選男友首要條件是要顧家，靚仔與否是其次：「靚仔愛嚟(目及)，拍拖就千祈唔好，靚仔冇本心！我發覺好多靚仔都唔會揀靚女，可能安全感大啲！（鍾意咩類型？﹞叻！一定要顧家！（曾國祥傳一腳踏四船？）我一定唔會揀呢啲男仔！其實有冇錢都好，最重要有上進心，因為有上進心嘅人先可以計劃到將來，令到自己更上一層樓！」
有「百果園E神」之稱的陳靜（DaDa），因擁有驕人「事業線」而迅速竄紅，「事業線」為她帶來名利，但亦換來數之不盡的流言蜚語，如果正常人可能早已受壓崩潰，慶幸擁有白羊座性格的她豁然面對，嘻哈過後又再迎接新一天。
半年前差點想放棄當模特兒的DaDa，沒料到其名字現時會街知巷聞，她說：「半年前啱啱完咗之前模特兒公司，都有少少想放棄！（唔做呢行會做咩？）我諗做番有關美容方面嘅嘢，我之前都做過！」深信命運的她，慶幸遇到經理人施念慈（Celia），這個貴人替她扭轉命運：「之前我去睇相，相士同我講會遇到一個女貴人，咁啱嗰時Celia就嚟搵我，叫我簽佢公司，我本來都唔肯定，但因為相士嘅說話，我就簽咗佢，依家諗番，真係好好彩！」
感激家人支持
不少人對o靚模都有偏見，幸好DaDa的家人思想開明，在背後默默給予支持：「基本上我18歲之後佢哋就畀我着泳衣影相，只要我開心就得，最緊要唔好意識不良同教壞細路！」她透露媽媽經常煲愛心湯給她，DaDa的爸爸雖然經常離港工作，但只要看到有關女兒的報道，都會剪下來珍藏。原來DaDa有個婆婆長居上海，談到婆婆，DaDa即笑容滿面：「雖然我唔會成日返上海，但婆婆同公公真係好錫我，佢哋知道我拍咗個朱古力廣告，仲特登由屋企搭車出市區睇我張海報，睇完之後仲會打畀我同我講！」為了孝心，DaDa每次返上海都定必大袋細袋。
為o靚模抱不平
對於早前與「浸大E神」Carol的罵戰，DaDa表示已不想再提，以免再跟對方扯上關係，對於首次推出寫真集便被禁足會展，DaDa雖然感到失望，但亦尊重大會決定：「會唔開心，因為唔能夠同Fans見面。」而她亦為o靚模抱不平：「其實有好多o靚模都好健康，只係個別有啲低俗而影響到其他人，有啲寫真好清純，我哋呢本都有着衫，好唔開心畀人認定成某類o靚模！」雖然經常要面對是非緋聞，但擁有白羊座性格的她仍樂觀面對：「我會成日向好嗰方面諗，有時見到負面新聞都好唔開心，但食完嘢就會唔記得！」