傅穎（Theresa）不忿粉絲被屈是「鄧麗欣粉絲鬧爆阿嬌」的幕後真身，先在微博為粉絲辯護，昨日她出席活動時說：「方力申同阿嬌嘅嘢，點解關我事？我係抵唔住頸，唔知邊個屈我啲粉絲，係惡意傷害，將罪名嫁禍畀佢哋。」問到會否懷疑有人指使粉絲這樣做，Theresa相信不會：「呢種行為太幼稚！（有冇同Stephy傾？）冇。」

傳公主病發 斥心術不正

即將推出寫真集的Theresa，被指拍攝時「公主病」發作，激嬲日本攝影師米原康正，她否認：「拍攝期間係多波折，但我同米原合作得好開心，我幾想有公主病，就唔使咁辛苦，明明搵咗Designer，但成本寫真集後期由我同公司班同事去執晒。」Theresa暗指整件事是「中間人」自編自導自演：「係有人心術不正，搵米原合作係透過一位好好朋友認識一個中間人，點知會咁。」

雖然寫真集不能在書展舉行簽名會，但Theresa憑歌手身份推出的另一本繪本散文集則成功申辦簽名會，她表示屆時衣着絕不性感，一定依足規矩。

此外，阿嬌前日到浙江宣傳英皇新片《出水芙蓉》時，疑被擺上枱臨時替戲院開張剪綵，主辦單位為保障她的利益，立即取消出席有關活動，事後阿嬌卻被唱甩底！昨日發行商「光綫影業」在電影官方微博發聲明，替阿嬌與小方還清白。