吳家樂及崔建邦昨日為cm square首家男士魅力體驗中心擔任開幕剪綵嘉賓，場面熱鬧。對於早前被拍得到深井睇樓，崔建邦說：「我想換個環境，阿媽又話嗰度風水好，不過太遠，唔啱喇！（買樓？）依家只可以租，儲吓錢先！」提到恩師陳志雲將於電台開咪，他自嘲未夠班做嘉賓，問到可有相約飯敍？他竟會錯意：「犯罪？梗係冇啦！（飯敍呀？）有食過飯，都係閒話家常！」對於羅敏莊將接棒做《勁歌金曲》主持，他說：「我都想做番，不過佢做都好有新鮮感！至於吳家樂則對巴西及加納出局大感失望﹕「證明好波不如好運！巴西求勝心切，踢到咁粗魯畀人紅牌趕出場，注定會輸！」