古巨基（基仔）昨日出席「太陽計劃」活動時，對於有指同唱片公司的師弟林峯，獲無綫歌、影、視力谷人氣下，年底將越級挑戰與他爭「最受歡迎男歌星」，自言已到另一個境界的基仔說：「依家我對樂壇嘅心態係『畀到啲乜多過攞到啲乜』！（同林峯一山不能藏二虎？）我唔係老虎，係獅子！因為我獅子座，英文名叫Leo。（你咪萬獸之王『食咗』林峯？）唔好屈我！」
提到新碟宣傳似乎較弱，基仔即澄清將於本月7日開記者會宣傳新碟，翌日推出：「我首《獨男》係四台冠軍歌！」他曾致電向英皇高層訴苦，指「宣傳少」之說等同抹煞宣傳人員的努力，經理人霍汶希則強調基仔的新碟宣傳費達400萬元。
