張敬軒與王菀之（Ivana）昨晚公演舞台劇《柯迪夫》，拚命減肥的Ivana穿上短裙與男演員大跳辣身舞，被對方抱起360度旋轉，軒仔則大騷唱功，贏得熱烈掌聲，兩人為配合劇情爆粗，外表斯文的Ivana投入地高呼：「×街就×街，跪你老×！」而一身運輸工人打扮的張敬軒更忘情爆粗：「你做乜×嘢！」身穿Tube Dress的Ivana因裙子的魔術貼未貼好，要用手扯住免甩裙，尾聲更借位嘴對嘴，軒仔致謝時談及辛酸史，透露Ivana綵排時曾整斷指骨。
緋聞同性密友何韻詩與容祖兒前後腳抵達，阿詩被問到為何沒有相約祖兒到場？她笑說：「唔通約埋一大班朋友攜手入場好似黑社會咁咩！（一舉兩得？撐朋友又可見祖兒？）若然要針對祖兒講，係囉！係可以見一面囉！」其後到場的祖兒匆匆入場，提到阿詩已到場，她笑說：「今日係嚟睇皇上（張敬軒）同王后（王菀之）。」同場的千嬅則大爆老公丁子高早前睇完電影後落淚，問到為何會睇文藝片？她笑言要終身學習：「好似我要上產前課，都係新生嚟啦！」
完騷後，Ivana與軒仔大談感受，Ivana表示尾骨受傷，排練時有影響。談及甩裙，她承認太混亂未拉好拉鏈，軒仔抵死笑說：「Ivana『晾』得住。」隨即自爆搬貨那場戲沒有拉好褲鏈：「我盆骨『晾」得住。」對於在台上爆粗，軒仔戲言家常便飯：「講完好舒暢。（台下有小朋友！）舞台劇尺度較大，小朋友有家長陪同冇問題。」