阿根廷Vs德國這場矚目賽事，藝人嚴陣以待，孫耀威、鍾舒漫、方皓玟與狄易達昨晚出席世界盃八強活動睇比賽，孫耀威為撐阿根廷特別穿上阿根廷球衣，他笑言撐阿根廷是看美斯，全因女友亦叫「美詩」，連母親都因此而支持阿根廷。對於前晚荷蘭擊敗大熱巴西，他謂全家都捧巴西，唯獨他支持荷蘭，荷蘭勝出，他開心得嗌到聲沙。不過，昨晚賽事結束後，孫耀威戲言要割脈，他直指阿根廷不擅打逆境波：「畀德國入咗第一球後，成隊波變得散散哋，德國攻又得守又得，今次都輸得心服口服，不過輸四粒就慘啲。」
批評馬納當拿
他又批評馬納當拿不換人，令美斯被德國隊Mark死：「佢應該換女婿阿古路、大米出來打，佢唔換人太死板。」他笑言阿根廷輸波，令他自暴自棄，他笑說：「聽我把聲就知。」而鍾舒漫聽到阿根廷大敗，即驚訝地說：「吓？唔係呀！Oh My God！今年賽果真係出人意表，依家惟有寄望西班牙，如果連西班牙都輸埋，就捧烏拉圭！」狄易達則說：「真係好驚訝！根本冇可能，依家捧西班牙啦！不過唔敢睇喇！怕自己係剋星！」
此外，曾志偉、湯盈盈、江欣燕（欣欣）、梁靖琪（Toby）及姚樂怡等，昨晚在商場為球賽打氣，開場時他們睇得特別肉緊，最後德國連入四球完場，人人大跌眼鏡，其中Toby因熱捧的阿根廷輸波而哭崩堤。而欣欣的反應更厲害，她之前認為阿根廷可贏2：1，但最後見德國4：0大勝而呆若木雞，直指賽果離奇，她笑說：「我要去買冷門波衫，巴拉圭……嗰啲球隊，湊吓熱鬧！」姚樂怡同樣愛阿根廷，並將西班牙及荷蘭貼為今屆世界盃三甲，如今德國出線，惟有要接受現實。至於曾志偉賽前聲稱欣賞阿根廷球員有球技又有士氣，更估阿根廷贏2：0，看來志偉今次要被剝牙了！
米積加「明燈」
另一邊廂在apm出席世界盃活動的黃婉曼，賽前估阿根廷贏2：1，完場後自嘲是「明燈」：「德國係踢得好好，阿根廷輸一球後就散晒，球員高路士為德國入兩球，可以爭做神射手，佢哋賽前做足準備，落場嘅精神好似戰爭，意志力好強。」出席活動前，黃婉曼化身導遊，在apm商場內帶領旅行團行商場購物及講解：「冇收導遊費o架！因為（商場）包咗我成個月，呢樣係我工作嘅一部分！」
另外，滾石樂隊主音米積加親身到南非看世界盃，先後捧場支持美國、英國與巴西，但三隊先後慘敗出局，米積加被指擁有世界盃魔咒，捧邊隊輸邊隊！