出發到巴黎拍攝寫真集前的一個月，Leanne才知道自己將成為寫真戰的「參賽者」之一，她眼泛淚光地說：「公司突然間有呢個決定，我知佢哋咁做係為咗幫我完成舊年未達到嘅目標！」她去年曾定下三個目標，包括拍攝一個熱爆全港的廣告、出書及歐遊。

經常笑容滿面的Leanne，想不到曾因壓力爆煲而萌死念。

年紀輕輕的Leanne，一夜長大，學懂豁達面對人生波折。

幸獲良師益友開導

去年中，Leanne終於達成首個目標，憑陽光檸檬茶廣告成為街知巷聞的「陽光妹」，但竄紅卻令她壓力爆煲：「拍完陽光廣告之後，每日都不停做訪問同影相，仲接咗好多廣告，簡直忙到抖唔到氣！加上公司對我要求愈來愈高，令到我好大壓力！每晚做嘢做到凌晨兩、三點，之後就匿埋喺房喊，第二日又繼續笑面迎人工作，有一刻我真係諗過自殺！有日我同Anjaylia（陳嘉寶）話想死，佢大聲鬧我，仲叫我唔好講埋呢啲嘢！」

Leanne幸獲良師益友開導，走出陰霾。	放大圖片	放大圖片

麻木工作令她失去方向，滿身壓力的Leanne惟有向公司請假旅行散心，幸同事早已察覺她「有啲嘢」，遂提議她拍攝旅行寫真，一圓其心願。拍攝期間，發生了兩件事令她學會釋懷：「雖然係做嘢，但時間一啲都唔緊迫，好似自己去咗夢寐以求嘅巴黎旅行咁，周圍參觀偉大嘅建築物，放低自己先發覺世界咁大！」

Leanne（左起）、Anjaylia及Evelyn年紀相若，自然分外啱傾。資料圖片	Leanne憑陽光檸檬茶廣告一炮而紅，令她始料不及。資料圖片	面對「露模」成風，Leanne的寫真堅持硬銷靚人靚景。資料圖片

暢遊巴黎有所頓悟

她續說：「有次我去到一間Cafe拍攝，原來間舖係兩個鍾意車衫嘅女仔開，等鍾意車衫嘅人有地方車衫，佢哋唔單止完成自己嘅夢想，仲幫其他人一圓心願。嗰刻我諗點解自己咁蠢想死，其實仲有更遠更大嘅夢想等緊我！」學懂放開，世界自然大，希望Leanne能保持豁然開朗的心，在娛樂圈闖出一片天。

後記：人比人比死人

現已重新出發的Leanne表示，會透過寫真集發表「重生」的心聲，希望與追夢少年共勉之：「以前拍陽光廣告好驚啲人會將我同張栢芝比較，但原來『人比人，比死人』，其實老土講句最大嘅敵人係自己！依家唔會再諗下星期有冇人搵你做嘢，只會充實自己，學吓跳肚皮舞同泰拳咁，珍惜每一個機會！」