鄧紫棋（G.E.M.）昨日擔任《第八屆香港傑出少年選舉》嘉賓，18歲的她透露將殺入紅館舉行個唱：「個期已經批咗12月或者明年1月。（成為最年輕香港歌手喺紅館開騷？）唔知，冇查過紀錄。（覺得太快？）唔會嘅，年底都入行兩年幾。（咁都唔快？）唔知人哋點，多謝公司畀機會。」由於G.E.M.只推出過兩張碟，再加上9月推出的新碟，合共只有25至26首歌，她表示會在個唱上演繹其他歌手的作品。至於場數及銷情問題，G.E.M.說：「交畀公司啦！上次喺Star Hall開騷已經緊張到睇咗10次醫生，搞到皮膚都差晒，壓力好大。」
另外，G.E.M.前日到廣州宣傳新碟，粉絲逼爆記者會，群情洶湧，她說：「被她們的熱情嚇倒，但有些遺憾沒有跟粉絲合照。」