新八模打算推出純文字Copybook，名正言順入書展宣傳，可惜昨日貿發局已駁回其上訴，依舊禁止o靚模以任何形式現身書展宣傳！本報記者昨日致電新八模經理人Roy，他表示經出版商與貿發局交涉後，得知「Copybook計劃」被貿發局擱置：「唔關本書內容事，佢哋顧問團裁定只要同模有關係嘅刊物，一律唔畀喺書展出現。」他又狂插貿發局說：「真係莫名其妙！如果佢哋一早決定係咁，就唔好叫我哋交上訴書，浪費人力物力！」新八模也齊聲感到失望：「都係求生存，點解搞到後生仔女冇運行？」
為刺激銷量，新八模的四位成員Mia、Jeana、Betrys和Suki前晚突襲旺角「洗街」，先到商場的書展視察銷情及Sell書，Jeana更向小朋友和電車男施冧功，當她俯身向小朋友介紹寫真時，「事業線」乍現，其冧功雖然奏效但未免踩界，而電車男亦自掏腰包買下寫真集！然後眾人到行人專用區街訪，竟有逾25人支持她們的Copybook入書展，可算打下強心針！
