有「翻版徐子淇」之稱的Debby（曾麗儀），與另外四位o靚模即將推出以日本「妄攝」做概念的寫真集，不惜自拍一段街頭「撕」暴片宣傳！由於涉及性暴力行為，有婦女團體昨日發聲明強烈譴責，香港婦女中心協會總幹事廖珮珊擔心短片對社會造成壞影響，希望依法列為不雅物品阻止繼續流傳，婦女權益關注團體召集人伍婉婷說：「事件令人覺得個女仔好隨便，究竟佢嘅底線去到邊？」

同屬模界的周汶錡與林莉昨日出席活動時亦作出譴責，周汶錡指宣傳教壞細路：「我覺得唔係咁好，目的係咩先？對好多小朋友唔係咁好，呢個風氣真係唔好！希望呢個圈可以健康啲，依家要收斂吓。」而林莉亦認為宣傳方法太激進，對o靚模被禁在書展舉行簽名會大表贊成，她寧願另找地方宣傳。不過，另一性感女模雷凱欣則讚短片有創意：「我冇睇過，但覺得好勇敢，如果加啲戲劇性就冇咁低俗，外國都有呢種宣傳！」

「冇諗過咁大回響」

對於被各界狂轟，Debby承認沒想過有這麼大回響，現知事態嚴重即知衰，她說：「其實拍呢條片真係冇意思教壞人，只係想配合番寫真，製作人想整條片令多啲人留意，依家都算做到，但冇諗過有咁大回響。如果引起不必要嘅誤會，真係唔好意思！」

此外，貿發局早前為「淨化」書展，下令所有o靚模禁足書展，該局發言人昨日透露有十間參展商提上訴，其中兩間因願意更改簽名會的書本或作者，符合書展老幼咸宜及鼓勵閱讀的宗旨，同意讓有關參展商繼續舉行簽名會。