剛推出處女新曲加精選專輯的HotCha，近日四出宣傳造勢，日前三人出席在旺角信和中心舉行的簽海報活動，由於現場有逾百歌迷，加上不少途人圍觀，擠得整個商場水洩不通，雖然有保安維持秩序，但亦有途人破口大罵：「咪阻住啦！」
三人雙手護胸行入唱片舖，對於逾百歌迷支持，HotCha說：「知道佢哋好辛苦，一早就嚟排隊同買碟，為答謝佢哋，特別嚟簽海報送畀佢哋。」有男歌迷即場掃二十張唱片，成員Regen興奮大叫：「嘩！好犀利呀！真係感動，不過唔係為買碟而唔食飯呀？」HotCha更做出飛吻動作，冧得男歌迷四萬咁口。
由於現場電視播出三女的新MV，Crystal說：「不如睇完先走啦！」問到對新碟期望？Regen說：「之前啲唱片最多出第三版，希望今次可以出第六版。（有金唱片銷量着三點式慶祝？）唔會啦！冇嘢可以露。」