吳彥祖、古天樂及杜汶澤等昨日為英皇電影《鎗王之王》造勢，期間演員與Fans玩遊戲，獲大批女Fans撐場的古仔，手握一名女Fans玉手開槍，令其他Fans尖叫。

林雪（左起）、古天樂、楊諾思、吳彥祖和杜汶澤昨日出席新片宣傳，吳彥祖和古仔分別獲贈金槍。	古仔手握女Fans玉手開槍，引得其他Fans尖叫。	泳兒（左）和詩雅齊來撐場。

有連場揸槍戲份的Daniel透露，為了揸槍姿勢更神似，拍攝前頻頻在家中練習，太太Lisa S.亦嫌他煩：「返屋企又拔，臨瞓前又拔！」古仔聽後即說：「嘩！你拔咩出嚟呀？」其後阿澤見古仔及Daniel獲英皇鐘錶珠寶董事總經理楊諾思送贈特製金槍，更加入戰團取笑Daniel：「你啱啱結婚就送金槍，即係寓意你『金槍不倒』，係咪好開心先？」Daniel聞言惟有陪笑說：「係呀！好開心。」

每日拔槍百次

雖然被兩位拍檔戲弄，不過Daniel未有介懷，還笑言明白他們的意思：「阿澤好鍾意玩我，不過我明佢講咩。（你成日拔槍，太太嫌你煩？）我睇睇吓電視就拔槍，每日百幾次，連屋企隻老虎狗，依家見到槍狀物體都會嘈，Lisa仲以為我癲咗添！」

對於大講有味笑話，古仔笑指藉此機會娛樂大家，當問到其「金槍」是否很久沒有用而「生銹」？他尷尬地說：「咁咪擺吓囉！多謝大家送支金槍畀我，唔係我未必有，我會好好珍藏。（咁你諗住擺到幾時先？）唔知。」

阿Sa缺席首映

《鎗》片昨晚舉行盛大首映禮，英皇電影老闆楊受成率片中男主角古天樂、吳彥祖、方中信和杜汶澤等出席，而女主角蔡卓妍（阿Sa）因病缺席，其經理人說：「今朝阿Sa去澳門幫過咗身嘅公公誦經，下晝去廣州宣傳，終於體力透支！」此外，方中信十年前是電影《鎗王》的主角，但今次只是客串，他表示沒有酸溜溜的感覺，對於爾冬陞笑言開戲讓他擔正，方中信笑說：「拍《老人與我》呀？」

另外，昨晚出席首映的有詩雅、泳兒、莫可欣、寇鴻萍夫婦與女兒唐貝欣等，而周家蔚和洪天明則前後腳到場。